Á orlofsvef BHM er hægt að bóka lausa sumarbústaði, kaupa gjafabréf í flug, útilegu- og veiðikort sem og nálgast afslætti hjá ýmsum fyrirtækjum. Einnig er hægt að kaupa Ferðaávísun sem hægt er að nota í gistingu hjá samstarfsaðilum um land allt og/eða gönguferðir hjá ferðafyrirtækjum.
Öllum mikilvægum upplýsingum um sjóðinn er miðlað á:
Á Facebook síðu sjóðsins er einnig oft auglýst það sem losnar með stuttum fyrirvara.
Fyrir frekari upplýsingar er hægt að senda tölvupóst á sjodir@bhm.is.
Hægt er að kaupa Ferðaávísun með góðri niðurgreiðslu á orlofsvef BHM (hægra megin). Ferðaávísunin er mjög nytsamleg, hægt er að nota hana til að kaupa gistingu hjá mörgum samstarfsaðilum um land allt, gönguferðir hjá ferðafélögum og hjá veiðifélagi.
Niðurgreiðslan er 35% af heildarupphæð, þó að hámarki 25.000 kr. árið 2024.
Orlofssjóðurinn á sumarbústaði og íbúðir víða um land. Hægt er að leigja þau á orlofsvefnum og skoða þá nánar.
Hér má sjá yfirlitsmynd af staðsetningu og gerð húsa í Brekkuskógi.
Á orlofsvefnum má sjá myndir af húsum og frekari upplýsingar.
Allar bókanir fara í gegnum orlofsvefinn.
Félagar í Orlofssjóði BHM fá margs konar afslátt af vörum og þjónustu hjá um hundrað fyrirtækjum um allt land. Afslátturinn nær til dæmis til veitingastaða, afþreyingar, gjafavöru, fatnaðar og reksturs bifreiða.
Hérna getur þú séð upplýsingar hvernig þú nálgast félagsskírteini OBHM.
Félagar geta keypt gjafabréf á góðum kjörum. Gjafabréfin er hægt að nota upp í flugferðir innanlands og utan með Icelandair.
Félagar geta þar að auki keypt útilegukortið og veiðikortið á góðum kjörum.
Á úthlutunartímabilum yfir sumar og páska fer úthlutun orlofshúsa 50% eftir punktastöðu og 50% eftir hlutkesti. Hægt er að senda inn umsóknir í báða hópana en þó bara hægt að leigja 1 viku á hverju tímabili fyrir sig.
Við höfum opnað fyrir bókanir tímabilið
2. janúar 2025 - 4. júní 2025 (undanskilin páskavika)
