Hér má finna svör við algengum spurningum sem varða Starfsmenntunarsjóð BHM

Hægt er að kanna styrkhæfi verkefnis með því að leggja inn umsókn með upplýsingum um verkefnið og hvernig það tengist núverandi starfi eða fagsviði án þess að framvísa reikningum og/eða greiðslukvittunum. Umsóknum er svarað í gegnum skilaboðarás á Mínum síðum þar sem fram kemur hvort verkefnið sé styrkhæft eða ekki, og hvaða gögnum þurfi að skila til að unnt sé að greiða styrkinn út.

Meginreglan í Starfsmenntunarsjóði er sú að verkefni þurfa almennt að varða fagsvið eða starf umsækjanda.

Í úthlutunarreglum sjóðsins (grein 3.3) eru sérstaklega tekin dæmi um óstyrkhæfan kostnað (athugið þó að ekki er um tæmandi talningu að ræða)

Sjálfshjálpar- og/eða sjálfsstyrkingarnámskeið eða nám.

Starfslokanámskeið eða önnur sambærileg námskeið.

Efniskostnaður, s.s. kaup á tölvum, bókum, tímaritum o.s.frv.

Kostnaður vegna verkefna sem maki, barn/börn eða aðrir nákomnir sjóðfélaga óska eftir að sækja sér.

Kostnaður sem greiddur er með vildarpunktum eða annars konar viðskiptavild.

Verkefni þar sem leiðbeinandi fer frá Íslandi til að halda námskeið/kynningu/fræðsluerindi á erlendri grundu.

Oftast þarf að skila inn reikningum og greiðslukvittunum. Eðli styrkja getur þó verið mismunandi og fylgigögn þar af leiðandi.

Fylgigögnum er skilað til sjóðsins í gegnum Mínar síður. Upphæðir styrkja miðast við framlagða reikninga og þá er gerð krafa um að þeir séu greiddir. Aðeins eru veittir styrkir vegna reikninga sem eru í nafni umsækjanda. Svokallaðir e-miðar frá flugfélögum og staðfestingar á bókunum teljast ekki fullnægjandi staðfesting á greiðslu.

Sé sótt um styrk vegna skipulagðra kynnisferða þarf auk reikninga/greiðslukvittana að skila inn árituðu bréfi frá yfirmanni eða umsjónarmanni ferðarinnar og/eða þátttakendalista. Einnig skal fylgja með ítarleg dagskrá faglegs hluta ferðarinnar sem tiltekur þá staði sem heimsóttir eru, hvert efni kynningar er á hverjum stað og tímasetningar.

Hvaða gögnum þarf að skila með umsókn?

Gefum okkur að sótt sé um styrk fyrir ráðstefnuferð erlendis þar sem lagt er út fyrir ráðstefnugjaldi og flugkostnaði áður en út er haldið en gistikostnaður er ekki greiddur fyrr en komið er á hótelið. Þá er hægt að sækja um styrk fyrir ráðstefnugjaldi og flugkostnaði í fyrri umsókn svo hægt sé að greiða út þann kostnað. Þegar gistikostnaður hefur verið greiddur er gerð ný umsókn. Sú umsókn þarf ekki að vera jafn ítarleg heldur aðeins að nefna að hún sé seinni hlutinn af fyrri umsókn.

Má gera tvær umsóknir fyrir sama verkefni?

Starfsmenntunarsjóður veitir sjóðsfélögum styrk vegna þátttöku þeirra í faglega skipulögðum heimsóknum eða kynnisferðum, innan lands sem utan, enda tengist viðfangsefnið fagsviði eða starfi þeirra. Eftirfarandi kostnaður er styrkhæfur:
 

Ferðakostnaður (flugfargjöld eða aksturskostnaður)

Ekki er greitt vegna ferða innan borga, fæðiskostnaðar né launataps.

Dagskrá vegna faglega skipulagðrar heimsóknar eða kynnisferðar erlendis þarf að skiptast á a.m.k. tvo daga og þarf fræðsludagskrá að spanna að lágmarki 8 klst. í fræðslu. Fræðsludagskrá vegna faglega skipulagðrar heimsóknar eða kynnisferðar innanlands þarf að spanna að lágmarki 6 klst.   

Með umsóknum skal fylgja þátttakendalisti og/eða áritað bréf frá yfirmanni eða umsjónarmanni ferðarinnar sem staðfestir þátttöku viðkomandi í ferðinni. Ítarleg dagskrá á faglegum hluta ferðarinnar sem tiltekur þá staði sem heimsóttir eru, hvert efni kynningar er á hverjum stað og tímasetningar.

Aðeins Starfsmenntunarsjóður veitir styrki fyrir fræðslu- og kynnisferðir einstaklinga. Starfsþróunarsetur veitir ekki styrki fyrir fræðslu- og kynnisferðir til einstaklinga. Þess í stað geta stofnanir, sjálfseignastofnanir, sveitarfélög, stéttarfélög, BHM og Kjara- og mannauðssýsla ríkisins sótt um styrki fyrir fræðsluferðum starfseininga.

Kynnisferðir- Hvernig virkar sá styrkur?

Ef sótt er um styrk vegna kostnaðar sem annar en umsækjandi sjálfur greiddi þarf að fylgja reikningur sem stílaður er á greiðanda. Auk þess þarf millifærslukvittun umsækjanda, fyrir hans hluta, til þess sem greiddi heildarkostnað.

Slíkt tilhögun getur til dæmis átt við í ferðum erlendis, þar sem tveir deila herbergi.

Það er því í góðu lagi að sækja um styrk vegna eigin hlutar í þeim kostnaði að því gefnu að reikningar og millifærslukvittanir liggi fyrir.

Ef ein í hópnum borgar og ég millifæri?

Ýmislegt brennur á félagsfólki varðandi Starfsmenntunarsjóð BHM. Hér gefur að líta svör við algengum spurningum sem berast þjónustuveri sjóða. 

Starfsmenntunarsjóður BHM og Starfsþróunarsetur háskólamanna eru mjög áþekkir sjóðir að mörgu leyti. Í báðum sjóðum geta sjóðfélagar sótt um styrki vegna námskostnaðar, námskeiðskostnaðar og ráðstefnukostnaðar ásamt ferðakostnaði sem tengjast þá námi, námskeiðum eða ráðstefnum.

Helsti munurinn á milli Starfsmenntunarsjóðs og Starfsþróunarseturs er eftirfarandi:

Hámarksstyrkveiting hjá Starfsmenntunarsjóði er kr. 160.000 á 24 mánaða tímabili. Hámarksstyrkveiting, einstaklingsstyrkja, úr Starfsþróunarsetri er kr. 600.000 á 24 mánaða tímabili.

Hjá Starfsmenntunarsjóði er öllu jöfnu gerð krafa um að verkefni tengist beint starfi og/eða fagsviði viðkomandi til að þau teljist styrkhæf. Hjá Starfsþróunarsetri er ekki gerð krafa um að verkefni tengist beint starfi/fagsviði viðkomandi svo að þau teljist styrkhæf. Þó það sé vissulega veittur styrkur vegna verkefna sem tengjast starfi/fagsviði viðkomandi sjóðfélaga, þá er einnig veittur styrkur vegna verkefna sem eru ótengd starfi/fagsviði viðkomandi og teljast þá til starfsferilþróunar.

Starfsþróunarsetur veitir styrki til einstaklinga, stofnana, sjálfseignastofnana, sveitarfélaga, stéttarfélaga, BHM og Kjara- og mannauðssýslu ríkisins. Starfsmenntunarsjóður veitir eingöngu styrki til einstaklinga.

Starfsmenntunarsjóður veitir styrki fyrir fræðslu- og kynnisferðir. Starfsþróunarsetur veitir ekki styrki fyrir fræðslu- og kynnisferðir til einstaklinga. Þess í stað geta stofnanir, sjálfseignastofnanir, sveitarfélög, stéttarfélög, BHM og Kjara- og mannauðssýsla ríkisins sótt um styrki fyrir fræðsluferðum starfseininga.

Hver er munurinn á Starfsmenntunarsjóði og Starfsþróunarsetri?

Já það er hægt. Gefum okkur að félagsmaður sé með kvittun fyrir t.d. kr. 1.000.000 vegna skólagjalda. Þá getur viðkomandi sótt um styrk hjá bæði Starfsmenntunarsjóði BHM og Starfsþróunarsetri háskólamanna fyrir þessum skólagjöldum.

Hafa ber í huga að samanlagður styrkur úr báðum sjóðum getur aldrei verið hærri en því sem nemur útlögðum kostnaði félagsmanns.

Er hægt að sækja um fyrir sama verkefninu hjá bæði Starfsmenntunarsjóði og Starfsþróunarsetri ?

Munurinn á Starfsmenntunarsjóði og Starfsþróunarsetri

Spurningar um sjúkra&shy;dag&shy;peninga

Spurt og svarað um sjúkradagpeninga Sjúkrasjóðs

Spurt og svarað um sjúkradagpeninga Styrktarsjóðs

Reykjavíkurborg og önnur sveitarfélög

Fyrirtæki og stofnanir á almennum vinnumarkaði

Hvíldartímareglur, dagleg og vikuleg hvíld

Áreitni og ofbeldi í garð starfsfólks

Opinber hlutafélög og sjálfseignarstofnanir

Að bæta við sig þekkingu getur skapað ný tækifæri og eflt fólk í starfi. Starfsmenntunarsjóður BHM aðstoðar og styrkir félaga til að endurmennta sig og sækja sér fræðslu með fjölbreyttum hætti.

Allt félagsfólk sem greitt hefur í starfsmenntunarsjóð BHM í 6 mánuði, þar af 3 mánuði samfellda, á rétt á styrkjum. Styrkhæf verkefni þurfa að jafnaði að varða fagsvið eða starf umsækjenda. 

Umsóknum er skilað rafrænt á Mínum síðum. Greiðslur úr sjóðnum fara að jafnaði fram vikulega, fyrir vikulok.

Algengar spurningar

Starfsmenntunarsjóður BHM

Er verkefni styrkhæft?

Hvað er ekki styrkt?