1. Hámarksupphæð sjúkradagpeninga fer úr kr. 713.000,- á mánuði í kr. 950.000,- á mánuði.
2. Heildarlaun að upphæð kr. 500.000,- og yfir veita rétt á fullum styrk úr sjóðnum. Upphæðin var áður kr. 300.000 kr. Heildarlaun undir 500.000 kr. veita rétt á hálfum styrk úr sjóðnum.
3. Viðbótargrein sem bætt var við í úthlutunarreglurnar, gr. 3.g.b.: „Of- eða vangreiðsla. Hafi of- eða vangreiðsla átt sér stað áskilur Sjúkrasjóður BHM sér þann rétt að leiðrétta þau mistök eins fljótt og auðið er. Annað hvort með því að greiða sjóðfélaga mismun á styrktarupphæð ef um er að ræða vangreiðslu, eða þá með því að krefja sjóðfélaga um endurgreiðslu á styrk, eða hluta af styrk, ef um ofgreiðslu er að ræða.
Þá áskilur Sjúkrasjóður BHM sér einnig þann rétt að krefja sjóðfélaga um endurgreiðslu styrks ef viðkomandi átti sannanlega ekki rétt á styrkveitingu.“
