Samningurinn byggir á þeim hækkunum sem samið var um á almennum markaði í byrjun árs og 36 stunda vinnuvika er fest í sessi.
Frá undirritun samningsins 4. desember sl.
Samkomulag Þroskaþjálfafélags Íslands og Sambands íslenskra sveitarfélaga var undirritað 4. desember sl., með fyrirvara um samþykki félagsfólks. Samkomulagið felur í sér framlengingu á gildandi kjarasamningi til fjögurra ára. Samningurinn byggir á þeim hækkunum sem samið var um á almennum markaði í byrjun árs og 36 stunda vinnuvika er fest í sessi.
Samningurinn gildir frá 1. apríl 2024 til 31. mars 2028 og er því með afturvirkni.
Samningurinn verður kynntur á tveimur fundum mánudaginn 9. desember, kl. 10:00 og 16:00. Að kynningum loknum verða allar upplýsingar, undirritað samkomulag og samstarfsnefndarfundargerð sendar til félagsfólks. Atkvæðagreiðsla hefst á hádegi þann sama dag og lýkur föstudaginn 13. desember klukkan 11:00.
