BHM, BSRB og KÍ ganga saman til kjaraviðræðna 

Þéttir fundir eru fram undan og áhersla á að skila kjarabótum til alls félagsfólks. Sérstök áhersla er lögð á að leysa úr jöfnun launa milli markaða, sem er óuppgert frá 2016 þegar samkomulag var gert um breytingu á lífeyrisréttindum opinberra starfsmanna.

Í morgun héldu fulltrúar heildarsamtakanna sameiginlegan fund til að stilla saman strengi og veita formönnum þeirra gott veganesti í þær viðræður sem þau leiða fyrir hönd heildarsamtakanna.