Kosningu hjá Félagi íslenskra náttúrufræðinga lauk í morgun.
Félag íslenskra náttúrufræðinga (FÍN) undirritaði samning við Reykjavíkurborg þann 17. janúar sl. og lauk atkvæðagreiðslu í morgun. Alls 93,75% félagsfólks sem greiddi atkvæði samþykkti samningin en 6,25% höfnuðu.
Félagsráðgjafafélag Íslands (FÍ), Iðjuþjálfafélag Íslands (IÞÍ), Sálfræðingafélag Íslands (SÍ) og Þroskaþjálfafélag Íslands (ÞÍ) fóru saman að samningaborðinu og undirrituðu kjarasamninga við Reykjavíkurborg 10. janúar sl. Atkvæðagreiðslum um samningana lauk sl. föstudag og voru niðurstöður birtar í kjölfarið.
Alls samþykkti 73,13% félagsfólks FÍ sem tók þátt í atkvæðagreiðslu samninginn en nei sögðu 26.87%. Hjá IÞÍ samþykkti 72,73% félagsfólks samninginn en 27,27% höfnuðu. Alls 94,59% félagsfólks í SÍ samþykkti samninginn en nei sögðu 5,41%. Hjá ÞÍ samþykkti 77,86% félagsfólks samninginn, nei sögðu 22,14%.
