![](/_next/image?url=https%3A%2F%2Fimages.prismic.io%2Fbhm-ytri%2F770e14ec-40fc-42f1-bee5-347be3cad833_R%25C3%25A9ttl%25C3%25A1t%2Bumskipti%2Bfundur%2B14.%2Bnov_2.jpg%3Fauto%3Dformat%26crop%3Dfocalpoint%26fit%3Dcrop%26fp-x%3D0.69%26fp-y%3D0.50%26w%3D1748%26h%3D880&w=3840&q=80)
Í aðdraganda þríhliða fundar norrænna stjórnvalda og aðila vinnumarkaðar um réttlát umskipti, gangast BHM, BSRB og ASÍ fyrir sameiginlegum morgunverðarfundi í salnum VOX Club á Hótel Hilton Nordica, þriðjudaginn 14. nóvember kl. 08:30 – 10:00. Fundarstaðurinn opnar klukkan 08:00 með því að boðið verður upp á morgunverð.
Beint streymi verður af fundinum fyrir þau sem komast ekki á staðinn, dagskráin er birt hér að neðan.
Loftslagsbreytingar munu hafa víðtæk áhrif á samfélagið, efnahag, atvinnulíf og vinnumarkað. Það hver áhrif breytinganna verða er undir því komið hvaða stefna verður mörkuð og hvort tryggt verði að aðgerðir í baráttunni gegn loftslagsbreytingum séu samræmdar markmiðum um starfs- og afkomuöryggi og góð lífskjör.
Á fundinum verður fjallað um hugmyndafræðina sem réttlát umskipti byggja á og hvaða þýðingu þau hafa fyrir íslenskt samfélag, vinnumarkað, efnahag og velferð launafólks. Leitast verður við að varpa ljósi á núverandi stefnu og aðgerðir stjórnvalda í þágu réttlátra umskipta og hvað uppá vantar til að sett markmið náist .
Dagskrá:
08:30 - 08:45 - Réttlæti sem forsenda virkrar samstöðu – Halldór Þorgeirsson, formaður Loftslagsráðs
08:45 - 09:05: Hvaða þýðingu hafa réttlát umskipti fyrir vinnumarkað og lífskjör? – Auður Alfa Ólafsdóttir, sérfræðingur í umhverfis- og neytendamálum hjá ASÍ
09:05 - 09:15: Réttlát stefnumótun, Sigríður Ingibjörg Ingadóttir – hagfræðingur hjá BSRB
09:15 - 09:25: Grænir kjarasamningar, Kolbrún Halldórsdóttir – formaður BHM
09:25 - 10:00: Pallborð: Finnbjörn A. Hermannsson, forseti ASÍ, Sonja Ýr Þorbergsdóttir, formaður BSRB og Kolbrún Halldórsdóttir, formaður BHM, Auður Önnu Magnúsdóttir, fráfarandi framkvæmdastjóri Landverndar stýrir pallborði.