![](/_next/image?url=https%3A%2F%2Fimages.prismic.io%2Fbhm-ytri%2Fe22a1181-70e3-4bd0-b05f-3fcefd519736_skraut--hlutlaust-skrifstofa-thjonusta.jpeg%3Fauto%3Dformat%26crop%3Dfaces%252Cedges%26fit%3Dcrop%26w%3D1597%26h%3D804&w=3840&q=80)
![](/_next/image?url=https%3A%2F%2Fimages.prismic.io%2Fbhm-ytri%2Fc315d42d-90de-4a78-a23e-4cf0afc6ffe0_skraut--troppur-hlutlaust.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1132%26h%3D755&w=3840&q=80)
Markmiðið með frumvarpinu er að viðurkenna áhrif sorgarinnar vegna barnsmissis á fjölskylduna í heild, ásamt því að auka líkur á að foreldrar eigi farsæla endurkomu á vinnumarkað og taki frekar virkan þátt í samfélaginu í kjölfar barnsmissis.
Með lögunum er foreldrum á vinnumarkaði tryggt leyfi frá störfum auk þess sem þeir fá greiðslur til að koma til móts við tekjutap á tilteknu tímabili í tengslum við fjarveru frá vinnumarkaði í kjölfar barnsmissis.
Guðmundur Ingi Guðbrandsson, félags- og vinnumarkaðsráðherra, mælti fyrir lagafrumvarpinu. Lögin öðlast gildi í janúar á næsta ári.
Hámarksgreiðslur í sorgarleyfi vegna barnsmissis verða samkvæmt frumvarpinu 600.000 kr. á mánuði. Einnig er gert ráð fyrir að foreldrar geti nýtt rétt sinn til sorgarleyfis samhliða minnkuðu starfshlutfalli og einnig yfir lengra tímabil enda sýna niðurstöður rannsókna fram á mikilvægi þess að einstaklingar sem verða fyrir áföllum í lífinu haldi sambandi við vinnumarkaðinn eins og þeir treysta sér til hverju sinni.