Fréttir

Stéttarfélagið Viska lítur dagsins ljós

3. nóvember 2023

Viska er félaga sem verður til við sameiningu þriggja aðildarfélaga BHM

Í vikunni samþykktu aukaaðalfundir Félags íslenskra félagsvísindamanna, Fræðagarðs og Stéttarfélags bókasafns og upplýsingafræðinga að sameina krafta sína undir merkjum nýs stéttarfélags sem ber heitið Viska.

Viska verður stærsta aðildarfélag BHM með um 4.500 félaga og jafnframt eitt stærsta stéttarfélag sérfræðinga á Íslandi. Eftir sameiningu verða aðildarfélög bandalagsins 26 talsins og félagafjöldi þeirra um 18 þúsund.

Fráfarandi formenn stéttarfélaganna þriggja voru að vonum ánægð með niðurstöðu aukaaðalfunda félaganna þriggja en að baki sameiningunni liggur mikil undirbúningsvinna.

Vefur Visku

F.v. Kristjana Mjöll Jónsdóttir Hjörvar gjaldkeri Visku, Kristmundur Þór Ólafsson varaformaður Visku og Brynhildur Heiðar- og Ómarsdóttir formaður Visku. — Formenn félaganna þriggja við undirritun samkomulags um sameiningu stéttarfélaganna.

Ég er í skýjunum yfir þeim undirtektum sem sameiningin hefur fengið frá félagsfólki. Sameinuð erum við sterkari og það er mér mikill heiður að sitja í formennsku í Visku. Við í stjórn félagsins horfum til framtíðarinnar og ég hlakka til að starfa með félagsfólki að bættum kjörum og réttindum á vinnumarkaði.

Brynhildur Heiðar- og Ómarsdóttir, fyrrverandi formaður Fræðagarðs og nýr formaður Visku.

Það er mikill styrkur fólginn í því að ganga inn í komandi kjaravetur undir merkjum Visku. Hagsmunir félagsfólks til skemmri og lengri tíma eru tryggðir í sterku, sameinuðu félagi.

Kristmundur Ólafsson, fyrrverandi formaður FÍF og nýr varaformaður Visku.

Sameiningarstarfið hefur gengið vonum framar. Stjórnarfólk, starfsfólk og félagsfólk vann af heilindum og sú samstaða sem hefur skapast er lykillinn að því hversu vel tókst til. Nú tekur við næsti kafli sem er að koma félaginu á fót og vinna sameiginlega að verkefnum þess.

Kristjana Mjöll Jónsdóttir Hjörvar, fyrrverandi formaður SBU og nýr gjaldkeri Visku.

Tengdar færslur

Allar fréttir og greinar

Stéttarfélagið Viska lítur dagsins ljós

Tengdar færslur

Björg Kjartansdóttir er nýr framkvæmdastjóri BHM

Mikilvægt að framlengja heimild til ráðstöfunar séreignasparnaðar inn á húsnæðislán

Gagnrýna samráðsleysi við heildarsamtök launafólks

Flutningur á gagnagrunnum BHM milli hýsingaraðila

Formenn norrænna heildarsamtaka háskólmenntaðra funda

Eru sérfræðingar reiðubúnir fyrir notkun gervigreindar á vinnustöðum?