Frjáls för fólks innan EES felur í sér afnám allrar mismununar milli launafólks í aðildarríkjum sem byggð er á ríkisfangi og lýtur að atvinnu, launum og öðrum starfsskilyrðum.
EES-samningurinn hefur opnað fjölmargar dyr fyrir háskólamenntað fólk og sérfræðinga í ýmsum greinum, þar á meðal í tæknigeiranum, í heilbrigðisþjónustu og fyrir fólk sem starfar í menningargeiranum, til að leita sér atvinnu og tekna víðs vegar um Evrópu.
Í reglum EES-réttar er einnig kveðið á um viðurkenningu starfsréttinda, þ. á m. hjá starfsfólki í heilbrigðisgreinum, og samhæfingu réttinda á sviði almannatrygginga.
Reglur um frjálsa för fólks ná einnig til Sviss.
Aðstandendur EES-ríkisborgara sem beita rétti sínum til frjálsar farar njóta sömuleiðis réttinda samkvæmt ákvæðum EES-réttar.